AQUEL QUERIDO MES DE AGOSTO | AQUELE QUERIDO MÊS DE AGOSTO, de Miguel Gomes (2008)

No corazón de Portugal, entre os montes, o mes de agosto é un balbordo  de xente e actividades. Emigrantes que volven á casa, fogos artificiais, hai que controlar os lumes, cantar no karaoke e beber cervexa. Se o director e mais o equipo do filme fosen directamente ao asunto, resistindo os bailes, íase reducir a sinopse a: «Aquel querido mes de agosto acompaña as relacións sentimentais entre pai, filla e o curmán desta, todos músicos nunha orquestra». Amor e música, polo tanto.